U Symbood Montri Rangbah ka jylla uwa man leh u National Secretary ka NPP, ynne ka sngi ha ka yalang paidbah ha Iawmusiang, Jowai neibynta ka Election MP, da ong u wa u Wailadmiki Shylla kam u MLA ka Jowai Constituency ha ki san snem wa dadep da wanrah u hadooh Rs. 850 klur ki kaam pynroi.
Da ong u leh wa em kawi ka chnong wa 90% lai ki paidbah cha ka VPP tangwa manda kylli u ya ki neiwon i chnong u Ardent Basaiawmoit, ym em wa tip katwa kamtæ da ong u wa yoo ya dai phi ya ka jaitbru deiwa kyrchaan ya ka Party khlem tip bha chaphang yong ka.
U Sniawbhalang da ong u wa ka VPP ymtoh ka Party wa baamsap tangwa em ko ya i sap wow baam.
Chooh chooh da ong u wa ka NPP kheiñkor bha ko ya ki paidbah wei ya ka chuki da booh ki ka chadien.
Da ong u wa manda poi ka Election waroh wa maya jaitbru ki, tangwa weileh oo namo u Wailadmiki pyrchah ki ya u paidbah mo?
Da khana u leh ya ki kaam wa da kreh ka sorkar nadooh ya ki khynroo kiwa em i sap wow lehke Sports, ki warep wa kiwi kiwi.
Heijooh i por da kyntu u ya ki paidbah kamwa man ha u 2023 ha kani ka kynti leh wow kyrchaan ya ka Party neibynta ka District wa ka jylla hi waroh kawi.
Discussion about this post