15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ka WhatsApp wow pynsuk yei eh i khoo yong ki paidbah

0 Comments

Jowai: Kat dang lai ki por ki jingeh kiwa ha rukom yatyngkhooh i wei wow pynbait ïa ki duk i u lai cha ki tnat sorkar wapher wapher, heithaw wow pyndep yei kaam du chisien lai hap lai i ar le sien yei jooh.

Kam chi bynta wow pynsuk yeini ynne ka sngi U Deputy Commissioner ka West Jaintia Hills u Arunkumar Kembhavi da pyntip u wa nadooh myntu ka sngi lada chem ki paitbah wa em wa noh jhep kat cha wa ioh, ki kari kamai wa chim pyllat dor, wa dooh um, dooh lait, ym em li sam kas chet kam wa da hukum u DC, kiwa booh kari khlem akor, ym em biang saam Mid-Day Meal, ym em biang ki painkhana ha ki skur, khrong posia ki pulit na ki trok, wa sih sarok, wa ym wankreh ki nongkreh sorkar, wa kiwi kiwi kiwa ktah ia ka imlang sahlang. Ki paidbah ye ki u phah ia ki dur, ki video, text message wa ki audio recording iow man ki kam ki sabut ia ki ujor iong phi deiwa pynemkam da ka WhatsApp ha u nomber 94363-94363. Ia ki ujor ki paidbah upoi ki ha ka tablet wa laptop wa pynemkaam du kat u DC donhi.

Ïa i pyrtuit wa i nombar yong kiwa ujor u neh ki wa u DC donhi. Neitæ i daw ong u manda ujor ki paidbah wa u snaiwbha ki u booh wa ki pyrtuit wa i thawsah yong ki khnang yow tikna wa i ujor yong ki man i iwa sakhiat. Tangwa lada artatein ki, ye hi ki u ujor khlem booh pyrtuit.

U DC da ong u leh wa da rai u pynemkam ïa ka WhatsApp hapoh ka E-Governance deiwa pynemkaam ïa i bor ka Internet yow pynsuk ïa i jingim ki paidbah, ong u wa deiwa ujor ki paidbah da ka WhatsApp ye ki ophisar ka bor distrik u lai bichar lai takit wut wut khlem pynslem khlem duk u lai cha ka ophis u DC.

Da pyntip u leh wa da e hukum u ïa waroh ki ophisar yong oo u pynemkaam da ki ‘Smart Phone’ neibhah ha ka juk kawa katni yarap bha ki u pynsmat yei krehkaam hapoh ka distrik.

Daw phah u DC ïaki ujor ki paidbah cha kawi ka dhab (group) wa em ha WhatsApp wa da chna kyrpang u ïa kawa pyrtuit “DCC Jowai” namo ka District Coordination Committee Jowai. Hapoh kani ka dhab da em waroh ki ophisar na ki wapher wapher ki tnat krehkaam ka distrik.

Ki paidbah ki wym em Whatsapp leh ye hi ki u ujor ha uni u nombar deiwa phah da ki SMS tangwa ym ye ki paidbah u phone ha uni u nombar. Chooh chooh da pyntip wa lada em kiwa pynmekaam bakla ïa uni u nombar deiwa ujor thok ujor kyndeh, ïa ki nomber iong ki u khang noh wei ym ye de ki ujor ha uni u nombar.

Heijooh i por da ong u DC wa uni numbar toh du yow ujor donhi ymtoh ïow e khublei ïa u DC næ phah ïa ki message ‘Good Morning’ ‘Good Night’ wa kiwi kiwi wym yatoh wa ki kaam imlang sahlang.

Ka bor distrik leh da sdang ko ïa ka Page ïong ki ha Facebook kawa da e pyrtuit ka ‘DC Jowai’ heiwa heini leh ye ki paidbah ujor.

Ki paidbah leh ha i jooh i por ye ki u e jingmut ha WhatsApp wa ha Facebook wa kammon ki bor distrik ye ki u pynbha pynmiat ïa i rukom kreh ki. Ia ki ujor ye ki paidbah u phah ha i ktien Pnar, Khasi wa English.

U DC da ong chooh chooh u wa yooluti u wa ki paidbah u pynemkaam ki ïa ka WhatsApp neibhah oo chim u wa i pynhun ïa ki paidbah man i i kaam iwa ha khlieh tam i kaamram yong oo kam u DC.

Kani ka ‘WhatsApp Based Public Grievance Redressal’ man ko ka sien nyngkong wa em wa leh da ka bor distrik hapooh ka ri India. Ong u da em ki tnat ki sorkar yong kiwi ki jylla kiwa da dep pyrchang tangwa u pyrchang neibynta ka distrik waroh kawi man ko ka sien wa nyngkong.

Previous
Next

0 Comments

Leave a Reply