October 20, 2016

Ka yakhun 2nd wa ka Super Division ynne ka 20 tarik

Advertisement ad1

Jowai : Ha ka yakhun 2nd Division ynne ka sngi wa da pynman ha madan Kiang Nangbah da pynyaleh hapyrdi ka Khliehiongriang wa ka Lumpyrdi Mihmyntdu.

Ha kani ka yaleh ka Khliehiongriang da jop ko da 1-0 lyngba ka kool na u Lawanbiang Suchiang ha ka minit wa 28.

Ha ka yakhun Super Division won hapyrdi ka Sohmynting wa ka Shangpung Moosyiem ka Sohmynting da jop ko da 3-1.

Ya ki kool ka Sohmynting da thap da u Deiwomsa Kyndait ha ka minit wa 40, u Recal Pyrtuh ha ka minit wa 47, wa na u Kitbok Suting ha ka minit wa 83 da ka chut Penalty. Katwa ya ka kool ka Shangpung Moosyiem da thap da u Synrop Manner ha ka minit wa 88.

Mynstep ka yalehke 2nd Division toh ha pyrdi ka Umchangiar Vs Mookyrdup katwa ha ka Super Division won ha pyrdi ka Nangbah Mulang Vs Chutwakhu.