15 49.0138 8.38624 1 0 4000 1 https://wyrta.com 300 0

Ye u khang tala ya ka PHC lada ym pynbiang yei rukom krehkaam ko : HANM

0 Comments
Advertisement ad1

Jowai: Ka seiñ Hynniew Trep Achik National Movement (HANM), Laskien Block Circle, da chem ko wa ki wa kjut kiwa haap thiah ha pchem ka PHC Shangpung ha ka 07 tarik uni u bnai, katwa dang yang Doctor ki tangwa da yoo wyrai ya ki neibhah ha ka tai ka sngi u doctor ym em wan u, neilaing ki nurse won da wan ki hadooh i por 11:40 i step.

Ka seiñ ka da yohlaad ko u yaklam wa ki wa kjut wei da ong ki wa “Uni u doctor wa katni ym jooh wan tista u cha kani ka PHC, wei embah wa em ki doctor Homeopathy wei ki leh ym ye ki u chakri ya kani ka PHC Shangpung lait noh ka doctor wa mynchwa ka Dr B. Challam katkam wa chem ki.”

U President ka HANM Laskien Block Circle u  E.J. Law ong u wa kam ka seiñ wa pait ya i bha i miat yong ka Block hi waroh kawi ym kwah ki u yoo ya kam ini i jia wei neiliang ka seiñ ka da yoh ko chiboon ki ujor na ki paidbah, neibhah tang kam ki chah ah tari chah ah wait ka Shangpung PHC ym ye ko u e sumaar wei da haap kit bait cha Civil Hospital wa em ha Ialong.

Kamtæ da kyrpad ya u District Health & Medical Officer wow wan sakhi u dei khmat yong oo kamjooh leh ya u Deputy Commissioner ka West Jaiñtia Hills District yow pyn-eh ya kiwa kreh yow wan kreh tista wei wow wan ki heipor.

Ka seiñ e por ko ar bnai yow pynbait ya waroh i duna hapoh kani ka PHC wei lada ym ye u pynbiang ka seiñ ye ko u khang tala ya kani ka PHC.

0 Comments

Leave a Reply