Jowai: Ka yalehke U-14 Football Tournament 2017 wa pynman da ka West Jaiñtia Hills District Sports Association (WJDSA) ha Kiang Nangbah Stadium ynne ka sngi da pynman ya ka yakhun Quarter Final wa ar.
Ynne ka Quarter Final da pynman hapyrdi ka Luti Tuber Ialong pyrchah ya ka Khimusniang.
Ha kani ka yalehke ka Luti Tuber Ialong da jop ko ya ka Khimusniang da 2-0.
Ya kini ki kool da thap da u Midaya Dhar ha ka minit wa 25 wa na u Balajied Dhar ha ka minit wa 36.
Mynstep ka yakhun daw pynman hapyrdi ka Dulong wa ka Chutwakhu heipor 11:00 waje i sngi wa ka yalehke wa khaddooh yong ka Quarter Final u man hapyrdi ka Khliehmyntang Ialong pyrchah ya ka Moookyrdup heipor 12.30 i sngi.
Discussion about this post