Ka yakop rwai pyllah ya ki sur tynre

Jowai : Ka Arts & Culture Department ka district hei ya krehlang  wa ka ophis u Deputy Commissioner ka West Jaiñtia Hills District ynne ka sngi da pynman ki da ya yakop rwai pyllah ya ki sur tynre wa i chaad tynre ha Thomas Jones Synod College.

Da wan chimbynta da ki khynroo khyllood wa mih khmat ya ki dong wei da em leh kiwa mih khmat ya ki skur wa puræ ki.

Da rwai ya ki sur ha i ktien Pnar wa ktien Khasi, em kiwa da thoh da ki yong ki hi ki rwai em kiwa rwai da ki yong kiwi ki rwai kiwa klam chaphang ka jait bru ka rymaw wa kiwi kiwi.

Ynne ka sngi da em leh kiwa rah da ki ksiñ, duitara wa kiwi ki tiar tem tynre. Ya ka yakop da ya bhah ha ar bynta kiwa rwai samen wa kiwa rwai yonglang.

Kani ka yakop man ko kam chibynta ka National Voters Day wei ya kiwa jop daw pynbna ha ka National Voters Day ha kani ka 25 tarik.

Related posts

Mih deilang chynrang wa kynthai ha ka sngi Musiang ka Lehniam Behdieñkhlam 2026 ka Seiñ Raij Mukhla

August 25, 2026

Dei lai thooh lai daiñ ya ki Dieñkhlam ha ka sngi wa ar ka Behdieñkhlam ka Seiñ Raij Mukhla

August 24, 2026