15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ka yakop wow kynmo warom yei dap 175 snem wa poi ka Gospel

0 Comments
Advertisement ad1
Advertisement ad1

Jowai : Ka Yaseiñ Khynroo Khyllod yong ka Balang Presbyterian Mookyndur, West Jaiñtia Hills District ha kani ka tayaw waroh chitayaw da pynemwarom ko ya ka Youth Week heijooh i por leh yei dap 175 i wan ka Gospelhapoh ri-loom Khasi Jaiñtia deiwa pynman ki yaka prokram waphær waphær hapoh ka balang.

Iwi i bynta yong i pynem warom da yoh u sakhi ynne ka 3 tarik u Naikhynde wa pynman ki yei phet pyllah næ ka marathon. Hachwa wow sdang i phet pyllah da yoh i klam now pastor N.S. Phawa uwa pait ya kani ka balang kamjooh wa man leh u Senior Administrative Secretary ka KJP synod mihngi.

Hei klam yong oo, ong u kani toh ka wow pynsah kynmoo haka parom yong ka yaseiñ khynroo neibhah ha uni snem da pyndep ya ki prokram waphær waphær kamwa pynem warom yaka youth week kamjooh leh i kynmoo warom yei dap 175 snem i wan ka Gospel ha riloom Khasi Jaintia. Heijoh por da yoh leh i ngooh blai na u tymmen wasan u S. Mukhim.

Da sdang yei yaphet nadooh na Riat Puriang ter ter u sarok National Highway 44 heiwa da yachim bynta chongchit ki khon khynroo khyllood ka Balang nadooh ki khynnah wei waroh da em ki kamwa 150 tam, ya kani ka yaphet da pynkut ha pchem ka Yungmane.

Ya kiwa jop ha kani ka yaphet da saam prize ha pchem ka Yungmane heiwa haki Senior Boys da jop da u Nehlang Phawa, wa ar u Jovison Syngkon wa le won u Gomeshroy Suting.

Haki Senior girls yei naam jop da rah da ka Heisaki Suting, wa ar ka Emika Pariat wa le won ka Balcy Syngkon. Haki junior boys yei naam jop da yoh da u Blesson Phawa, wa ar u Raplang Suting wa le won u Sa-u-ni Phawa.

Neiliang ka yaseiñ khynroo khyllood da e khublei ko ya waroh kiwa chim bynta, kiwa yarap khamtam ya ka tnat pulit Ummulong Beat House wa da yarap ki u pyllai kari ha kani ka yakop phet marathon.

mookynduryouth1

mookynduryouth3

mookynduryouth4

mookynduryouth2

mookynduryouth5

Share this:
Previous

Garo farmers encouraged to cultivate Chinese Nettle

Next

Chah kem kiwa tooh battery na Ummulong