15 49.0138 8.38624 1 0 4000 1 https://wyrta.com 300 0
Advertisement ad1

Ka yalehke wa nyngkong dooh ka Meghalaya ha ka Ranji Trophy pyrchah ya ka Arunachal Pradesh

0 Comments
Advertisement ad1

Shillong: Uwa yalehke Cricket ka Meghalaya u Gurinder Singh da yoh 5 Wicket deiwa e 50 Run hadien wa ka Meghalaya da pynhaap lut ko ya ki Wicket ka Arunachal Pradesh kawa kamai du 166 Run ha ka sngi nyngkong dooh ka Ranji Trophy wa chimbynta ka Meghalaya wa pynman ha madan ka Meghalaya Cricket Association (MCA) ynne ka sngi ha Shillong.

Ka Meghalaya hawa Bat ko da chem chitom wow pynneh ya ki Wicket yong wei hadooh wa kut ka yalehke ka sngi nyngkong da pynkut ko da 87/6 heiwa u Captain u Jason Lamare da pynskhem u ya ka Innings deiwa yoh 42 Run khlem haap ka Wicket yong oo.

Ha chwa wow sdang ka yalehke, ka MCA da pynman ko ya ka yalang wa tbian yow sahkynmoo ya kani ka ka sngi heiwa ka Meghalaya da psiah ko cha ka kyrdan First-Class Cricket hapoh ka ri India. U Chief Secretary warim ka Meghalaya, u HWT Syiem (IAS, retired), uwa jooh man leh kam uwa jooh yalehke Cricket da wan u kam u kongsan wei da em leh u KVP Rao, BCCI’s Assistant General Manager (Cricket Operations) kam u symbood kongsan wei da pdiang burom ya ki da u MCA Honorary Secretary u Naba Bhattacharjee.

Hawa kyruiñ biang cha ka yalehke ka sngi nyngkong, ka Meghalaya da jop ko ya ka Toss wei da phah Bat nyngkong ya ka Arunachal Pradesh. U Samarth Seth da kamai boon dooh u deiwa yoh 50 ha chwa wow haap lut ki Wicket hapoh 200 Run. Lait noh na u Off-spinner u Gurinder uwa yoh 5 Wicket, u Fast Bowler u Lakhan Singh da yoh u 3/38, u Dipu Sangma da yoh 1/15 wa u Abhay Negi 1/35.

Ka Meghalaya da yoh por ko kamwa ar kynta wow Bat chwa wow kut ka sngi nyngkong tangwa da chem chitom ko hadien wa ki Opener yong ki da haap smat ki u Raj Biswa wa u Babloo Passah wei pynbood sa ki le ngut u Punit Bisht, Yogesh Nagar wa u Gurinder hakhmat kiwa kawang bol ka Arunachal Pradesh.

Da wan wow pynskhem ya ka kamai Run da u Captain u Jason Lamare uwa yoh 42 Run yow pynpoi ya ka yalehke cha ka sngi wa ar ka soo sngi ka yalehke. Wa u Jason dang emlang u Aditya Singhania, uwa da kamai 16 Run.

Na kiwa kawang bol ka Arunachal da leh bha u Licha Tehi uwa da yoh 3/18 wei da pynhaap u ya ka Wicket yong u Biswa, Bisht wa u Nagar.

Advertisement ad1

0 Comments

Leave a Reply