15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Kaamram ki warep

Da u- Shimphang Lyngdoh, Lumputhoi

Ha ki soo samoi em jar ki rukom rep,
U bet u chara wow thung wow tep;
Ha ki kpær ki prah wa ki pynthor kba,
Ya ki warep waroh man ko ka pliang ja.

Wakhu ka wait wa kiwi kiwi dæ ki tiar,
Chadiang-sata u knup wa u khoh u star;
Kini toh ki tiar khih wa ki tiar yada,
Kaamram ki warep wow pynbiang chwa.

U slap ka sngi deilang wa ka la’er,
Ya ki jait thung waroh yow pynkhai laber;
Yoh u sailung yoh u heh katkam i rta,
Siat dawai dachin na ki khñiang yow yada.

I yohnong yohni katwon wa yooluti,
Kam wada pynlut chiboon ki por ki sngi;
I chah ktah jooh jia nei bor yong ka mariang,
Na u slap ka la’er wa ki puit ki khñiang.

Kmen i mynsien hawa bha u symbe,
Chawah chanieñ wa yaklam yakape;
Diaw won i mynsien hawa sih ki mar,
Ha kam kani ka khep toh u lai ood cha ka sorkar.

Na ka chnat sorkar em chiboon ki laad yarap,
Kam ki paaid warep, prokram e sikai u lai ap;
Yoh u tip u sñiawthooh kammon u pynbha,
Nei e dawai kulmar yow lait u lyngki i lyngkha.

Dei mynsien yaichah to kreh chitom,
Ham dukhi iñdang ham chrai ham thnom;
Hawa doohnong i myntu u snem,
Archah daw yohnong ha uwi tawon u snem.

Share this:
Previous

Kyntu u Vincent ya ka sorkar pyrdi wow booh Bank ha ka chnong Sahsniang, WJH

Next

Yoh ka Assam sa ar tylli ki National Park