June 10, 2021
U MP ka Congress na Shillong, u Vincent H Pala ynne ka sngi da thoh u cha ka montri ka chnat Finance and Corporate Affairs ka sorkar pyrdi, ka Nirmala Sitharaman wow pyntip wa ym em kawi wot leh ka Bank ha chnong Sahsniang, West Jaiñtia Hills.
Da ong u wa ka Sahsniang toh ka chnong kawa man ka chnong hapyrdi ki 15 tylli kiwi ki chnong heiwa ki bru im ki nei rep wei pynmih ki leh ya u chyrmit uwa miat dooh ha ka pyrthai.
U Vincent da ong u wa katkam ka thong krehkaam u montri rangbahdooh ka ri, u Narendra Modi toh wow pynyabi ya waroh ki chnong hapoh ka Pradhan Mantri Jan Dhan Yojna (PMJDY) tangwa ki paidbah ym em u yoh myntoi ki na kani ka Scheme.
Kamtæ da kyntu u ya ka Nirmala wow phah ya kawon kawon ka Bank sorkar næ ki Bank wa da tipmit da ka sorkar wow booh ya ka Branch ha ka chnong Sahsniang khnang wow myntoi ki paidbah.
