Tura: Ka khubor wa dang yoh na ri-loom Garo heiyatoh wa i pdung bom ynnin ka miet heiwa da dooh yei mynsien ki soo ngut wa kynthup ya u kyrtong ka NCP u Jonathone N Sangma, heiwa kiwa emlang wa u Jonathone ynne ka sngi da khana ki wa i jia wa sñiawsih da jia i heipor wa wan na ki yalang Election wei da lai ki leh cha ka chnong Damagre heiwa da em wa biah Poster wa maham wow siat ya kiwon kiwon kiwa thap Vote cha u Jonathone.
Da lai ki wow pynwair i tieñ ki paidbah wa mih neiwa em kani ka Poster kawa da thoh hei ktien Garo wei da em leh ka chnong wa tang u mih ki paidbah leh ymnood ki cha ka yalang u Jonathone.
Heipor wa liwan ki, da em 12 tylli ki kari wa bood ya u Jonathone wei kawa nyngkong dooh toh ka ka kari Gypsy wei da em ka kari u Jonathone hadien.
Hapoh ka kari u Jonathone da em 7 ngut wa kynthup ya kiwa kyrchaan ya oo wa arngut kiwa sonteri ya oo.
Heipor wa pdung u bom, ki kari waroh da sangeh ki wei kiwa em hapoh kari waroh da hiar wei da dem ki ha madan. Hadien wa sñiaw ki wa ym em wa siat suloi da phet ki cha ka kari wa toh bom heiwa u Jonathone da khlaad u katwa uwa yah kari dang ood mynsoo u wei da khlaad leh ki arngut kiwa sonteri ya u Jonathone wa uwi u dkhot warim ka GNLA wei ya ki le ngut kiwa da mynsoo joor da kit cha Downtown Hospital, Guwahati
U Jonathone toh uwa yakhun MLA na Williamnagar Constituency kawa man leh ka Constituency ka Montri ka tnat Puræ Puthi ka jylla ka Deborah C Marak.
Ha u snem 2013 u Jonathone da yaleh MLA u kam u kyrtong samen heiwa da ujor u leh pyrchah ya Deborah wa pynemkaam ko da ki GNLA yow pyntieñ ya kiwa thap Vote.
Discussion about this post