15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kam u Conrad wa ka sorkar da pynsmat ko wow booh ya ki khyrdop hapyrdi i eh i khoo

0 Comments
Advertisement ad1
Advertisement ad1
Advertisement ad1

Shillong: U montri rangbah ka jylla, u Conrad K Sangma da ong u wa kam chibynta wow chna ya ki khyrdop khynra mynder (Entry & Exit Point) da lai ko chaaid chaaid hanlada em leh ki moochythut wow thied thaw hei duna poisa.

U Conrad da ong u ya ini hadien ka yalang wa ki 13 tylli ki seiñbhalang heiwa da pynche u wa ka sorkar da yaklam ko wa ki seiñbhalang wa kani ka kaam toh kawa khia wa ym toh kawa suk ya ka sorkar wow pyndep noh ha i por wa tbian.

Da pyntip u leh wa hadooh katni ka sorkar da tipmit ko ya 41 tylli ki thaw wow pynyeiñ ya ki khyrdop wa kawi na kini ki thaw toh kawa da tikna neibhah da lai ko chakhmat, da ong u leh ym toh wa suk ya ka sorkar wow pynkrehkaam ya waroh ki 41 tylli kini ki khyrdop, deiwa pynrap wa em 5 hadooh 7 tylli ki khyrdop kiwa rap emkaam wei ka sorkar hap bichaar ko wow pynsmat u pyndep smat ya kini.

Hei yatoh won i dawa yong u CEM ka KHADC wow pynkrehkaam da ka ILP wa da monjur ka Council, u Conrad da ong u wa wa ka KHADC næ ka sorkar jylla ym ye ki u pynkrehkaam ya ka ILP, neibhah chong ko ha ka Parliament wow wanrah ya kani ka aiñ.

Hawa yaklam wa u President ka KSU, u Lambokstarwell Marngar da ong u wa ki seiñbhalang ym hun ya ini i suki ka sorkar wow chna ya ki khyrdop neibhah ym pu em u pynyeiñ ya na ki 41 tylli ki khyrdop wei da tikna du kawi donhi.

Share this:
Previous

Wan li pait u Dr. Mukul deilang ka kurim waka khon u ya ka Agnes

Next

Da saam ya ki prize Lucky Draw yong ka Ladthadlaboh Dorbar Chnong