October 3, 2019

Kam u Hamlet wa ka NPP ka kyrchaan ko napoh ya ka PDF ha Shella

Shillong: U Hamletson Dohling uwa man u Working President ka People’s Democratic Front (PDF) da ong u wa ki MLA kiwa ha ka United Progressive Alliance (UPA) daw kyrchaan ki ya u kyrtong ka PDF ha ka Election chiteiñ samoi ha Shella. Da pyntip u leh wa kini ki MLA daw lai ki leh wow yalap Election neibynta u kyrtong ka Party, u Mosjo R Wanswett.

Hawa yaklam wa u Wanswet wa u payu yong oo, u Leston Wanswet uwa em ha ka NPP, da e u ya i kyrchaan ya u diah u kam u kyrtong ka PDF, u Dohling da pyntip u wa neiliang u Leston hanlada ym em u hei chait i khiah tangwa da phah u ya kiwa kyrchaan yong ka NPP wow e ya i kyrchaan wa pura ya u kyrtong ka PDF neibynta ka Election ha Shella, khamtam wa ka NPP ym em booh kyrtong ko ha kani ka Election.

Advertisement ad1

Ha i jooh i por u Dohling da ong u wa ka kaam da emkaam wow chaniah ya i kyrchaan na kiwi won ki Party ha ka Election wei kawa kongsan hi toh wa ka PDF wa kiwa kyrchaan toh u kreh chitom wow yoh ya i jop.

Uwa yahkhmat ka PDF da kyntait u leh wow ong wa em i piah yong ka NPP ha kani ka Election.