U kyrtong ka seiñ Congress uwa man leh u MDC ka Mylliem, u Ronnie V Lyngdoh da khana u wa 4-5 tylli ki seiñ saiñpyrthai da lai ki wow khroh ya oo hadooh ka 14 tarik u Kmaichonglad (Dec). Da ong u wa ini ym toh deiwa wan khut hi-eh kamtu tangwa wa ki pynbiej kamwa da khana da u MLA ka PDF na Mawkynrew, u Banteidor Lyngdoh.
Hawa klam ha ka yalang yong ka Mylliem Assembly Youth Congress Convention, u Ronnie da ong u wa da ki klur da tyrwa kamwa da pynskem da u Banteidor wa ka NPP da tyrwa ko T.5 klur wow psiah cha ka NPP, wei i jooh iwa da tyrwa cha oo da tyrwa leh cha kiwi ki khynroo ka Congress.
Ha iwi won i liang da ong u wa toh u wa toh sakhiat wa ka Congress toh ka seiñ dkhar, tangwa da ong u wa toh ka seiñ kawa chna ya ki aiñ wow yada nei chah tlep ha ki heh paaid.
Da ong u leh wa ki jooh ki seiñ kiwa ong wa ka Congress toh ka seiñ dkhar katni da ya krehlang ki wa kiyi, ym du ka seiñ dkhar tangwa da ya krehlang waka seiñ kawa mut wow pyndooh lut yei hok yong ki paidbah wei da mut ki wow luchlia ia ka riti synchaar.
