Uwi u bru wa tip kam u Rajesh Vishwa Kumar, uwa na Britain wa wan cha India wow yachem wa kiwa ha-yung u chirup wa u payu u, u Ajay Kumar Ramesh da kam u wa da lait u na ka lieñsuiñ wa da haap ynne ha Ahmedabad.
U Rajesh uwa da takha na khmat, rupai wa na kjat da ong u wa 30 Second nadooh wa hær ka lieñsuiñ da sdang i thut wei da haap noh kani ka lieñsuiñ.
Kani ka lieñsuiñ ka Boeing 787-8 Dreamliner toh kawa hær cha Gatwick, London chirup wa ki 242 ngut ki bru, wei da haap noh ko ynne i sngi heipor 1:39.
Da ong u wa manda khyrngiat u da yoo u ya ki metyap wei da yut u na ini i thaw wa em sadu ki metyap wa ki bynta ka lieñsuiñ.
U Rajesh uwa em ya ka Boarding Pass heiwa da chong u ha ka Seat 11 A da ong u leh hadien wa yut u na ini i thaw da em ki bru wa ksoh oo wei da pynkit ki oo cha thaw sumaar.
Chooh chooh da ong u wa sah u ha London la 20 snem wei ka kurim wa ki khon u em ki ha London.
Da ong u leh wa da wiar u payu u, u Ajay wei da paan yarap u wow thooh ya oo.
Ha ki thaw sumaar da em boon ki bru kiwa thooh ya kiwa ha-yung wa ki lok yong ki kiwa da chong ha kani ka lieñsuiñ ka Air India.
Discussion about this post