Kamwa 10 seiñ wa e dorkhat haka JPC wow pyrchah ya ka Citizenship (Amendment Bill) 2016

Shillong: Kamwa 10 tylli ki seiñbhalang kiwa na ka jylla Meghalaya wa na kiwi ki jylla ka thaiñ mihsngi, da ekti ki ya ka dorkhat cha ka Joint Parliamentary Committee (JCP) wow pyrchah ya thmu ka sorkar India wow pdiang ya ki khian paaid na Afghanistan, Pakistan wa Bangladesh kiwa na ka niam Hindu, Sikh, Parsi, Buddhist wa Khristan deiwa pynkylla ya ka Citizenship (Amendment Bill) 2016.

Ya ka JPC wa khlieh da u Chairman, u Rajendra Agarwal u MP ka BJP wa da thung neibynta wow thooh yumut na ki seiñ waphær waphær hajrong i thmu ka sorkar pyrdi wow pynman aiñ ya ka Citizenship (Amendment Bill) 2016.

Ki seiñbhalang wa kynthup ya ka North East Students Organisation (NESO), Khasi Students Union (KSU), Federation of Khasi Jaintia and Garo People (FKJGP), Hynniewtrep National Youth Front (HNYF), Hynniewtrep Youth Council (HYF), Garo students Union (GSU), Social Organisation of Meghalaya Against Land Alienation (SOMALA) wa emlang ka Synjuk ki Nongsynshar Shnong ka Bri u Hynniewtrep wa kiwi ki seiñ kam ka Indigenous Nationalist Party of Tripra (INPT).

Waroh kini ki seiñ kiwa da ekti ya ki dorkhat ha ka JPC da pyrchah joor ki ya kani ka Bill la man katwa man neibhah lada man aiñ ko daw ktah joor ko ya ki jaitbru khian paaid.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Da ong ki wa ki jylla ha ka thaiñ mihsngi ka India ymtoh u man ko kam ka haw noh jhep neibhah ka sorkar toh u tip ko wa ka thaiñ em ko ki jaitbru kiwa da em chwa hei ma du nei psiah tooh ki bru na ka ri Bangladesh deiwa e nongmuna ya ka jylla Tripura.

Ha iwi i liang, u Chairman ka JPC, u Rajendra Agarwal hawa klam wa kiwa pathai khubor hadien wa da kut ka yachemlang, da ong u wa ym ye u ong iwon iwon hajrong ini wei ka yachem hajrong ki dorkhat wa da e kini ki seiñ, tangwa da ong u wa ka Committee daw pyllang ko ya waroh ki dorkhat wei daw e cha ka Parliament.

Ha kani ka sngi ki dkhot ka KSU kiwa yeiñ cha lait ka Convention Centre da sai syndet ki ya ki Banner wow pynsniaw yei pyrchah i thmu ka sorkar India wow kylla ya ka Citizenship (Amendment Bill) 2016.

Mar ya yoo yeini ki Magistrate wa ki pulit kiwa emlang da khang ki ya ki dkhot ka KSU wow pynman ya kawon kawon ka pyrchah ha kani ka thaw.

Ha i step neiliang ka North East Indigenous People Forum (NEIPF) da pynsniaw ko wa pyrchah ko yeini i pynkylla ya ka aiñ chong chnong namo ka Citizenship Amendment Bill 2016 deiwa chong kyllain myngor ha khmat u mot u Kiang Nangbah uwa em  hajan Civil Hospital, Shillong.