U Chairman ka State Expert Appraisal Authority on Environment, u Naba Bhattacharjee da ong u wa katkam i leh sorjamin (Survey) ka North Eastern Space Applications Centre (NESAC) wa du ha East Jaiñtia Hills da em kamwa 20,000 tylli ki krem næ ki paar mooyong kiwa da chah ieh chrah.
Hawa klam ynne ka sngi, u Naba da ong u wa khnang wow pynwandur biang ya kini ki paar wa da ieh chrah, da emkaam wow leh iyi iyi deiwa thung dieñ biang hanla man ko kawa eh. Da ong u wa ki par mooyong kiwa da ieh hi-eh kamtu, da man ki kam ki thaw eiñ ya ki bru kiwa lai wa wan.
Da khana u leh wa ynne ka sngi da em ka yalang waka Central Mine Planning & Design Institute Limited (CMPDI) kawa pynwandur wei pynyirngam biang ya ki thaw tih mooyong ha ka jylla, wei daw pynkhreh ko ya ka DPR yow tip kammon u leh.
Da pyntip u wa ki bru ka CMPDI da wan pait wan sylli ki ya ki paar tih mooyong wei daw khana ko cha ka sorkar kammon u leh yow pynwandur biang ya ki paar mooyong kiwa da chah ieh chrah.
Tangwa ha kani ka jylla da em i kyllaiñ kajiak neibhah ki thaw ki bhaw toh ki yong ki bru samen wei daw hap pynbait kammon u leh ya ini i bynta.
Wei kam wow e kyrchaan biang ya ki bru kiwa da chah ktah ha ka ramaw nei tih mooyong, daw thung dieñ wa kiwi de ki jait thung kiwa daw e myntoi ya waroh ki thaw wa chah ieh chrah.
Discussion about this post