Soi soskular ka IHCL yow chna ya ka Taj Resort wa 140 kamra haroood ka Umiam

Ki kaam uiñke suwari ha Meghalaya daw ku chooh i hadien wa ka Indian Hotels Company Limited (IHCL) kawa pynlai ya ki Hotel Taj da soi soskular ko wow pynmih ya ka Resort wa 140 kamra harood ka nan Umiam ha Barapani.

Kani ka Project wow tip kam ka Taj Barapani, toh ka wow krehlang ka IHCL wa ka Umiam Hotels Pvt. Ltd heiwa daw pynwandur ya kam ka Taj Resort.

Da yooluti wa kani ka Resort daw yarap ko wow pynjanai yei kaam uiñke suwari ha Meghalaya.

Kani ka Resort daw em ko ar tylli ki Restaurant, ka bar, Café wa ka Lobby Lounge, chirup wa ki Indoor wa Outdoor Swimming Pool, ka Fitness Centre, Spa & Salon.

Daw man ko leh ka thaw wow ye u pynman ya ki Conference, ki yalang deiwa em ka Banquet Hall wa 6,000 square feet wa kiwi.

Related posts

Kyntait u Prestone wow pyndam næ kyrriah ya ka Shillong Ropeway Project

November 13, 2026

Chah e FIR sa u Chairman ka Greentech deilang ki dkhot ka JAC

November 12, 2026

Ka Suma Venkatesh, Executive Vice President (Real Estate and Development) of IHCL, da ong ko wa i miat ka Meghalaya daw riñ i ya chiboon kiwa uiñke suwari na kylleiñ. 

Kiwa pait ya ka Umiam Hotels Pvt. Ltd., u Managing Director u Arun Kumar Rai wa u Director u Ajay Kumar Rai wa u Anuj Kansal, da ong ki wa ka Taj u wan ko cha Barapani heiwa daw ye u wanrah chiboon i myntoi ya ka Meghalaya.

Wa kani kattu ka IHCL daw em ko 22 tylli ki Hotel ha Northeast heiwa 16 tylli toh kiwa dang pynchna.