Kamwa kylla ka ri, kattu da toh sa i por ka Delhi: Narendra Modi

U Prime Minister ka ri u Narendra Modi da ong u wa ka ri da kylla dur ko hapoh ka sorkar wa katni wei kattu da toh i por yaka Delhi yow kylla ko yeiwa bha.

Da sñiawskem u wa ka Delhi daw jied ko yaka Bharatiya Janata Party (BJP) ha kani ka Election wa katni kawa da pyndep yaka thap Vote ynnin ka 8 tarik wei daw niaw Vote ha kani ka 11 tarik.

Da ong u wa ka Election Delhi toh kawa nyngkong yong kani ka chiphaw snem wa thymme wei kini ki chiphaw snem u man ki ki yong ka India. Wei ini chong i ha i rai ki paidbah hawa thap Vote ki.

U Modi da ong u wa ka Delhi emkaam ko yaka sorkar wa thymme neibhah ka Aam Aadmi Party (AAP) toh kawa yaleh du wow pynbaad ya kiwi wei man ko leh kawa pyrchah ya ki wa dooh, kamtæ ka Delhi emkaam ko yaka sorkar wa kreh neibynta ki waroh.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Modi da ong u wa ka BJP da yarap ko ya ki hajar ngut ki wa dooh lyngba ki Scheme sorkar tangwa ka AAP pynslem bait ko wow pynkrehkaam ya ki Scheme sorkar pyrdi pyn hapoh ka nongbah ka ri.

Da ong u leh wa ki nong Delhi da dooh ki ka ya ki Ayushman Bharat Schemes deiwa pynrap wa u Arvind Kejriwal ym bna u ya ki bru ka Delhi.

Da pynkut u deiwa ong wa u kyrchaan bait u ya ki nong Delhi hadooh wa kut i mynsien u.