15 49.0138 8.38624 1 0 4000 1 https://wyrta.com 300 0

Ym em de man ka North East kawa da chah ieh mylliñ: Modi

0 Comments
Advertisement ad1

U Prime Minister ka ri u Narendra Modi hawa klam u hapoh ka Lok Sabha da ong u wa ka thaaiñ North East ym toh de kawa da chah ieh mylliñ.

Da e khublei u yaka sorkar ya ki kaam wa bha wa da leh ko wow pynku yaka North East kawa katni da man kam ka kor i roi i paar.

Advertisement ad1

“Ki paaid ka North East katni ym em de sñiaw ki wa ka Delhi man ko ka thaw wa jngai bha. Katni ka sorkar da em ko ha tre dwar ki deiwa ki montri yong i lai ki man ka por cha kani ka thaaiñ,” da ong u.

U Prime Minister da ong u wa ka sorkar yong oo da kreh ko wow pynbiang ya i bordiñ, ki rel, ki mobile network wa kiwi de kiwa emkaam wow wanrah yaka roi ka paar hapoh kani ka thaaiñ.

Deiwa kdaw leh ya i yasoi yaka Bodo Accord, u Prime Minister da ong u wa ya ini da leh deiwa wanrah lang ya waroh kiwa emkti lang ha kani ka kaam yow pynbait ya ka kaam wa emkaam wa da sah da ki phaw snem.

U Prime Minister da ong u wa du nei boohteiñ ya kani ka kaam da wanrah yei dooh i mynsien ki 40000 ngut ki bru.

“Tangwa ha ini i por da wanrah lang i ya waroh yow pynbait ya kani ka kaam yow lait noh u em iyi iyi wa sahteiñ,” da ong u.

Advertisement ad1

0 Comments

Leave a Reply