Ka National People’s Party (NPP) ha ka yalang paidbah wa da pynman ynnin ha Khanduli da wan sakhi da ki hajar ngut ki paidbah napoh ka 1-Nartiang Assembly Constituency.
Ha kani ka yalang da em u Sniawbhalang Dhar, MLA ka thaaiñ, u Compromise Nongrum wa man u State Youth President ka NPP, u Banjop Pyngrope, MDC, Khasi Hills Autonomous District Council, u Thombor Shiwat, Chief Executive Member ka Jaiñtia Hills Autonomous District Council deilang wa u Pheinlang Nanglein, Ex-MDC, ki MDC ka JHADC nadooh u Aiborlang Shadap, u Evening Teron, u Jesse Suiam, ki phrangkhmat ka NPP napoh ka 1-Nartiang Assembly Constituency wa kiwi kiwi.
U Sniawbhalang Dhar da sñiawngooh u ya waroh kiwa chong chnong ka 1-Nartiang Assembly Constituency kiwa da pynjop wei jied ya oo kam u MLA ka thaaiñ kiwa da kyrchaan ya oo la 4 sien kattu.
Da kyntu u ya ki paidbah wow kyrchaan ya ka Dr. Mazel Ampareen Lyngdoh ka kyrtong MP ka National People Party wow poi ko ha i thong i jop.
Da ong u wa kamwa kyrchaan ki paidbah ya oo na Nartiang kamtæ hi emkaam u mih ki chaphrang wow kyrchaan yaka Ampareen ha kani ka Election MP.
Chooh chooh da ong u wa ka sorkar NPP da em ko ya u Dr. W.R. Kharlukhi kam u MP ka Rajya Sabha kamtæ deiwa em ka Dr. Mazel Ampareen Lyngdoh kam ka MP daw pynsuk i ya ka sorkar Meghalaya wow yoh ya ki Scheme pynroi wa har rukom.
Waroh kiwa klam ha kani ka yalang da kyntu ki ya ki paidbah wow jied yaka Ampareen ha ka 19 tarik uni u bnai wei wow phah ya ka kam ka MP cha ka Lok Sabha.
Discussion about this post