U Sadon Blah uwa man kam u ksiang wa mihkhmat yaka seiñ Hynniewtrep National Liberation Council (HNLC) hei yaklam yasuk wa da dep pynman, da ong u wa lada ka sorkar ym pyndam ko yaka mukotduma pyrchah ya kiwa yahkhmat wa ki dkhot ka HNLC, i phah wan yaklam hi da kiwa yahkhmat dooh yong ka seiñ ym em yumut i.
Kam wow pynkynmoo wa hadien i klam yasuk hapyrdi ka sorka jylla, ka sorkar pyrdi waka HNLC ha ka kylla wa nyngkong, neiliang ka sorkar jylla da ban ko wa hei yaklam wa bood toh u wan mihkhmat hi noh da kiwa yahkhmat wa heh dooh yong ka seiñ wa kynthup ya u Chairman wa u General Secretary, wei ha katai ka yaklam daw yatai leh yei dawa ka seiñ wa kynthup hajrong i pyndam noh ya ki mukotduma.
Hawa klam ynne ka sngi, u Sadon da ong u wa ka sorkar da sahkut bait ko hajrong i dawa yong ka seiñ wow pyndam noh ya ki mukotduma, wei pynrap u wa lada ym ye wow pyndam ya ki mukotduma ym em yumut wei ym emkaam u phah wan ya kiwa yahkhmat wa ha khlieh dooh ka HNLC.
Da ong u wa kiwa yahkhmat ka HNLC kiwa wan cha i yaklam yasuk toh kiwa da tipmit wei da yoh bor na CEC yong ka seiñ wei man ki leh ki dkhot kiwa da rim wei kiwa man heh ha ka seiñ kiwa ye wow pynlai chakhmat hei yaklam wei da pynbaad u leh ya ka sorkar deiwa ong wow phah wan da kitæ kiwa yahkhmat kiwa hakhmat dooh ye u man wa kwah yoo dur donhi ya ki.
Discussion about this post