Katni ka ri India ym em de lai khrong poisa ko na kiwi ki ri nadooh wa em ka sorkar u Modi: Shibun Lyngdoh

Jowai: U Shibun Lyngdoh, State President ka BJP Meghalaya ha ka yalang ka BJP wa pynman ynne ka sngi ha Jowai da ong u wa nachwa hapoh ka jylla tieñ bha ki bru ya ka BJP neibhah boon ong ki toh kawa chongchit niam wa kawa yoobeiñ ya kiwa khian paaid wei kawa pyrchah Kristan.

Da ong u wa ini waroh toh neidaw wa em wa yah bakla ya ki bru tangwa katni ki paidbah da sñiawthooh bha ki ya ini waroh wei toh du i thok suda.

Chooh chooh katni nadooh wa man u Montri Rangbahdooh u Narendra Modi, da man ko ka sarong ya ki tre ri wow ong wa nga toh uwa na India ym toh kam nachwa heiwa boon sarom ki u ong ya ini neibhah daw kheiñ wa khrong ya ki.

Da pteiñ u deiwa ong wa katni ka ri India ym em de lai khrong poisa ko na kiwi ki ri katni wei kiwi ki ri wa kwah wow wan seiñ khih hapoh ka ri.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Da ong u leh wa u Modi sñiawsarong u ong waka India em ko ki khynroo khyllood wa boon dooh hapoh ka pyrthai wei ki man ki ki bor ka ri ym toh kam nachwa da kheiñ ya ki kam ka yukit wa khia.

Heiyatoh wa i pyndam ya ka poisa T. 500 wa ka T. 1000 wa tip leh kam ka Demonetisation da ong u wa katni ka ri da khooid ko na ki poisa thok wei yeini da leh du hapoh 50 sngi donhi.

Da ong u leh waka BJP na ki por cha ki por da thoh ko cha ka sorkar pyrdi heiyatoh wow pynkhlan ya ka 6^th Schedule wow yada ya ki tre jylla yow yoh ki u mantre ya u khyndaw u chyiap.

Da pynkut u deiwa ong wa ym em artatien u yei kyrchaan ka ri-loom Jaiñtia ya ka BJP neibhah ha ka Election MP wa khaddooh wa pynman da yoh u 32,000 Vote iwa man i jooh wa yoh u Vincent Pala hapoh ri-loom Jaiñtia.