U President ka Peoples’ Democratic Front (PDF) uwa man leh u Montri ha ka sorkar Meghalaya Democratic Alliance (MDA), u Banteidor Lyngdoh da ong u wa ha ka sorkar synrop i yaklam neibynta ka roi ka paar ha ka jylla da em bait, wei katwa dang boon kiwa em ha ka sorkar dang pynkhlan chooh chooh yei yaklam.
Hawa kylli, da ong wa u Montri Rangbah kam uwa pait ka MDA da sñiaw wa toh iwa biang wa nang lai chakhmat, tangwa oo da dep u wow batai won ya kiwa em hapoh ka synrop. Da ong u wa i wan yong ki MLA ka seiñ Congress wow ya krehlang da yoo wa biang i ya krehlang yong ki seiñ waroh kiwa em ha ka sorkar neibynta i bha ki paidbah.
U Banteidor da ong u wa ym em iyi iyi wow klam lane wow kheiñ ya ka Congress, tangwa iwa emkaam bait i yei ya krehlang kam chi lok hawa ki da wan ki wow kyrchaan ya ka sorkar, neibhah toh i myntoi bait ya ki paidbah wa chong chnong.
