15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Ka result ka Tiger Five Ynne ka sngi

0 Comments

Jowai : Ka yalehke yongka Tiger Five ynne ha pyrdi ka Umshangiar SC pyrchah yaka New Kid’s FC man ko kawa yosuk bha heiwa ka New Kid’s FC sdang ko u pynkhih yaka jaar ha ka minit wa nyngkong lyngba ka penalty na u Evan Lakiang Jersy No. 2, ka Umshangiar SC da Su ko yaka kool wa nyngkong yong ka ha ka minit wa san lyngba u Monlang Niang, du hadien chi minit, ka New Kid’s FC da ban biang ko ya ka kool wa ar lyngba u Nathan Dkhar Jersy No. 6, katwa ka Umshangiar SC da yoh biang ko u su yaka kool wa ar yong ka da ka penalty na u Pyrkhatki Dkhar kamtæ ka yalehke yong ka kylla step kut ko 2-2 kool.

t511.1

Ha ka kylla miet yong ka yalehke, kiwa yaleh yong ka Umshangiar hadien wada sai bha ki yei buit yalehke yongki da yoh ki u pyntam yaki kool lyngba u Hameraja Kam ha ka minit wa 41, pynbud sa ka kool wa soo na u Hamepaia Shylla ha ka minit wa 45.

t511.2

Nalor kini ka Umshangiar da yoh biang ki u ban yaka kool wa san na u Pyrkhatki Dkhar ha ka minit wa 48, katwa u Hamepaia Shylla pteiñ u wow thap yaka kool wa ynru lyngba ka penalty ha ka minit wa 50. Kiwa yalehke ka New Kid’s FC hadien wada chah thap ki da ki 6 tylli ki kool leh, ym em u man ki kiwa tlot, heiwa da pynyoo ki yei mynsien yalehke kawa pynhun sakhait ya kiwa paitke kiwa wan wow sakhi yaka yaleh.

t511.3

Kamtea dei mynsien kreh chitom yong ki da yoh ki wow su yaka kool wa le lyngba u Dakermitre Lakiang ha ka minit wa 54.

Neiliang ka Umshangiar SC da yakhun bha ko heiwa haka minit wa 59 da yoh biang ko u thap yaka kool wa ynñiaw da ka penalty wa da chut da u Wanchwa Dkhar.

Kamtæ ka Umshangiar da man ka dhab kawa jop 7-3 ynne ka janmiet heiwa da yoh ko u psiah cha ka second round.

Share this:
Previous

Kem ka Dorbar Chnong Mustem ya uwa dat bom diñdamait ha tymbud wah Umpathoo

Next

Wanrah naam wei burom ka khyllood na Jowai yaka ri-loom Jaiñtia