15 49.0138 8.38624 1 0 4000 1 https://wyrta.com 300 0

Kem ka FKJGP ya ka Ambulance sorkar wa kit ya 13 ngut ki Punjabi cha Shillong

0 Comments
Advertisement ad1

Shillong: Hadien wa yoh yutip kawa tikna, ka FKJGP Central Body chirup wa kiwa kreh ka FKJGP North Khasi Hills da yoh ki wow ksoh ya kawi ka kari Ambulance Sorkar ha Umsning, kawa em ya u number ML-01-7311 kawa yah da u Lester Marbaniang wei da emlang u Vaccinator Clement Dkhar kiwa lai thooh ya ki baar jylla na Guwahati Airport.

Uwa yah ya kani ka Ambulance da phla u wa da phah leh ya kani ka kaam da u Dr. Manoj Basaiawmoit khlem da yoh hukum na ka DHS, kawa pynsñiaw phylla ya ka seiñ wa kammon kani ka Ambulance kawa kit ya ki bru wa kjut da pynman kari kamai ya ka heiwa waroh kiwa em ha kani ka kari toh ki Punjabi wei ka seiñ da kylli ko ha kawon ka yurim waka kari sorkar da ye u chimwai da ki bru samen.

Ka seiñ da kylli ko leh wa kammon u Dr. Manoj Basiawmoit ye u wow phah lai kit ya kini ki baar jylla heiwa ka DHS tip ko namo ymtip ko yeini wa leh u neibhah kani toh ka kari Sorkar wei ymtoh kawa ye u chim wai yow li thooh bru.

Chooh chooh ka seiñ da ong ko wa lada ha ini i por emkaam ya kani ka kari wow chakri ko ya ki paidbah da man i dooh wa joor ya ki paidbah wei daw dooh leh yei chaniah wa i artatien yei rukom kreh ka DHS.

Kamtæ neiliang ka seiñ da kwah ko wow phah takit wa kini ki baar jylla toh kiyi wei neiyi i daw wan ki wei waroh da em ki 13 ngut.

Ka seiñ da maham ko leh ya waroh kitu ki kari kiwa wan kit baar jylla wym toh u leh ki da ki kaam be-aiñ hawa kit ya ki chapoh ka jylla Meghalaya.

Ini toh katkam wa pyntip u Reginald Thabah Asst. Info Secretary, FKJGP.

0 Comments

Leave a Reply