15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Daw khut yalang ka KHADC wa ka Hima Mylliem hajrong ka Them Iewmawlong

0 Comments
Advertisement ad1

Shillong: Ka Khasi Hills Autonomous District Council (KHADC) da rai ko wow khut ya ka yalang wa u Acting Syiem ka Hima Mylliem ryngkat ki muktiar wow yaklam hajrong i wow kyrriah ya ki bru wa sah ha Sweeper Colony, Them Iewmawlong.

Hawa yaklam wa kiwa pathai khubor hadien ka yalang ka PDA, u CEM ka KHADC, u Pynshngain N Syiem da ong u wa kani ka yalang wa jhan da khut hadien wa ka KHADC da yoh ko ya ki kot ki sla na ka Hima Mylliem heiyatoh wa i e thaw cha ka Municipal ha Them Iewmawlong.

Advertisement ad1

U PN Syiem da ong u wa kani ka yalang toh hadien wa toh wei dap ait bniah ya ki kot ki sla na ka Hima Mylliem khnang wow tip wow leh yeiwa emkaam hajrong ka Themmator, wei kani kayalang ym slem de da pynman ya ka.

Hajrong ka khubor wa mih wa ong wa kani ka thaw toh haap ko hapoh i pait ka Kur Nongkhlaw wa Kurkalang, u Pynshngain da ong u wa dadep yaklam hajrong ini neibhah kani man ko ka khubor wa sñiaw neini neitai wei ym em ki kot ki sla wow pynsakhiat yeini.

U CEM da ong u wa ka KHADC da chem ko wa hadooh katni kani ka kaam man ko hapyrdi ki ar liang kiwa kynthup ya ka Hima Mylliem wa ka Municipal kiwa da yasoi ya ka soskular ha u snem 1954.

Heijooh i por da ong wa hadooh katni ympu ye wow ong iwon iwon namo kiwon kiwa sah be-aiñ ha kani ka thaw kat hadooh wympu tip bniah iyi i bynta ka Municipal wa ka Hima Mylliem ha katai ka thaw.

Hajrong i kylli wa neiliang ka Hima Mylliem da nong ko wa ym em e pata ko wow chong wow sah ha Themmator, u Pynshngain da ong u wa i bynta ka KHADC toh wow sñiawthooh chwa nyngkong wa kani ka khyndaw toh ka bynta yong ka Municipal wa ka Hima Mylliem wei ympu ye u leh iwon iwon hadooh kat wympu chong pyrkhat wa ka Hima Mylliem.

Share this:
Previous

Kem ka FKJGP ya ka Ambulance sorkar wa kit ya 13 ngut ki Punjabi cha Shillong

Next

Daw yakhun MDC u Piwell Shylla na 5- Musniang Rngad Constituency