Ki pulit ka East Jaiñtia Hills District hei miet ka 4 tarik uni u bnai hadien wa da tip tikna wa em arngut kiwa dai drugs daw lai luti ki da kawi ka Truck wa em Number AS-028-AC-0492 deiwa kit ya ki mar dih pynmuaid wei daw wan ki na Kalian cha Khliehriat.
Kamtæ ki pulit da booh thaw pynsangeh kari ki ha Byndihati Petrol Pump wei heipor kamwa 9:45 i miet da wan kani ka Truck kawa 12 chaka kawa kit Cement deiwa emlang hapoh arngut, kitæ u Jaydar Ali (34 snem) uwa na Khagrabari, Barpeta, Assam wa u Sanidul Islam (20 snem) uwa na Hawli, Barpeta, Assam.
Hadien wa kynreh ya kani ka Truck da chem 6 tylli ki khieh booh sabon, kawi ka yusong duma wa iwi i tadong khian kiwa em hapoh yei lakhit rong umsoh. Da chem leh ya kawi ka Mobile Phone wa ka poisa wa T. 500 na u Jaydar Ali.
Hadien wa da leh yeiwa emkaam deiwa Test ya ini i lakhit, da pyntikna wa ini toh i Heroin iwa khia 65.32 gram, kamtæ da kem noh ya kini ki arngut deilang wa kini ki mar.
Da pynman ya ka takit da ka Khliehriat Police Station wei da pynngat ya kini hapoh ki kyndon ka aiñ NDPS Act.
