Kem ki pulit ka East Khasi Hills ya kiwa tooh ya ki tiar ki tar kiwa uiñke suwari wa kynthup ya kiwa dang dep bia

Ki pulit ka East Khasi Hills da kem ki ya ki soo ngut kiwa emkti wow tooh na kawi ka kari Tourist kawa da pynyieñ hajan ka Mahindra Showroom ha Mawblei, Shillong ynnin i janmiet.

Katkam wa ong u SP ka East Khasi Hills, u Vivek Syiem, ini i chah tooh da jia i heipor kamwa 8:00 waje i miet heipor wa u Jay Nand Kishore Joshi wa kiwa ha-yung u kamjooh ki chijur wa dang dep bia na Mumbai da pynyieñ ki ya ka kari Toyota Innova hajan kani ka Showroom wei da lai baam ja ki ha iwi i dukan wa tip kam i By The Way.

Manda liwan ki da chem ki wa da chah tympiah ka yit ka kari wei da chah tooh ki tiar ki, kamjooh ka poisa wa Rs. 50,000 wa ka iPhone 13.

Hadien ini da Register ya ka Case ha Madanrting Police Station.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Ynne ki pulit ka Special Party ka Madanrting Police da kem ki ya ki soo ngut na Mawblei Block-B wei da yoh leh ya ki tiar wa chah tooh.

Kiwa chah kem kynthup ki ya u Chaphrang Nangkiew Sutnga (24) na Mawblei, u Wanjop Kharumnuid (23) na Laitkor Nonglum, u Albertstar Kharhujon (22) na Umphyrnai wa u Michael Nongrum (45) na Demthring Block A.