Mih i Video wa pynyoo wa em hi i chah dat uwi ha ki bru u MLA ka BJP hapoh ka rel

Hadien wa jia wa chah dat uwi u bru wa tip kam u Raj Prakash hapoh ka rel Vande Bharat Express kawa lai na Delhi cha Bhopal heiwa da pynbaad wa ki bru u MLA ka BJP da dat ki ya uni u bru neidaw wa kyntait u wow kylliang thaw chong wa u MLA, da mih i Video wa pynyoo yeini wa jia. 

Ini da jia i ha ka 19 tarik uni u bnai heiwa u Rajiv Singh, MLA ka Jhansi, Uttar Pradesh da lai luti u da ka rel chirup ka kurim wa u khon wei da kwah u wow kylliang thaw chong wa u Raj Prakash yow yoh u chong deilang ka kurim wa u khon.

Da ong wa u Rajiv Singh da yoh u ya ka Seat wa hadien katwa u Raj Prash da yoh u ya ka Seat No. 49 iwa hajan ka Seat No. 50 wa 51 wa yoh ka kurim wa u khon ka MLA wei hadien wa u Raj ym bien u wow lai chong ka Seat No. 8 kawa man ka yong u MLA, da wan ki bru u MLA ha ka rel ha Jhansi Station wei da dat ki ya u Raj uwa lai cha Bhopal.

I Video hajrong ini i jia da poor i ha Social Media heiwa da em kamwa 6 ngut kiwa da dat ya uni u bru.

Related posts

Hiar chuki u Keir Starmer kam u PM ka UK | La 6 ngut kattu kiwa hiar chuki ha ki 10 snem

June 22, 2026

Chadooh cha baar ri u pynlai ya ki musla wa pynmih napoh ka karkhana wa dang wai thymme ka Meghalaya | Kawa heh dooh ha North East

June 22, 2026

U SP ka Jhansi Zone, u Vipul Kumar Srivastava, da pyntikna u yeiwa jia wei da ong u leh wa daw leh yeiwa emkaam hadien i takit.

Puræ leh: Chat dat uwi neidaw wym bien wow kyrriah thaw chong neibynta u MLA hapoh rel