Jowai: Ki pulit ka East Jaiñtia Hills da yoh ki wow kem ya ka dhab ki damok kiwa emkti wow lute ya kiwa yah truck, yah kari ha tymbud u sarokbah NH-6 wei wow pynmynsoo leh ya uwi na kiwa yah ya ka truck deiwa dung ya oo.
Ya kini kiwa chah kem da tip kam u Selbi Rymbai na Rymbai Iawpynshian; u Shanjoy Rymbai na Moolamanoh; u Joseph Charai na Kalamakura, Karimganj, Assam wa u Shabash Dkhar na Rymbai Pohskur.
U Gunek Singh uwa da chah pynmynsoo ha kini ki damok da chait wei da chah sumaar u wei da chah dung u na kjat.
Chooh chooh u SP ka District, u Vivekanand Singh da pyntip u wa ki pulit ka District da kem ki leh ya ki kattu katni ngut kiwa kynthup ya u Stoo Siangshai, u Werning Dkhar, u Enocence Siangshai wa u Jeffre Dkhar na Moolamanoh heiyatoh wa ka Khliehriat PS Case No. 96(5)19.
Da kem leh sa ya kiwi tawon wa kynthup ya u Home Ksih wa u Mimi Rymbai na Rymbai Iawpynsin hajrong ka Khliehriat PS Case No. 103(7)19, u Ioanis Phawa na Dkhiah West hajrong ka LSG PS Case No. 17(5)19; u Beveer Suja na Moopala hajrong ka LSG PS Case No. 30(6)19; wa u Reton Lyngdoh na Khliehriat Pohchnong hajrong ka LSG PS Case No. 30(6)19.
Chooh chooh u Vivekanand da pyntip u wa daw kem chooh ya ki bru kiwa emkti wow tyngkheiñ aiñ ha kiwa boon ki kaam.
Also Read: Ki kaam chah lute ha EJH
Discussion about this post