U SP ka Ri-Bhoi District da pyntip u wa heiyatoh wa iwa chah tynyap u khynnah skur wa dang 10 snem uwa tip kam u Kitdorlang Marbaniang uwa da wiar nadooh ka 17 tarik wei da chem yei metyap u haka 18 tarik uni u bnai, da kem ya ar ngut kiwa suba emkti ha ini i kaam.
Ya ka FIR da yoh haka 19 tarik uni u bnai hadien wa chem yei metyap uni u khynnah na iwi i kpær yong u bru wa tip kam u Comand Nongrang wa em ha Umtangar, Ri-Bhoi.
Hei takit ki pulit da kem ki ya ar ngut ki bru wei ka takit dang lai ko chakhmat yow tip lada em kiwi kiwa emkti ha ini i kaam wa yei daw wa da leh ki yeini.
Kini kiwa chah kem toh u Pynshailang Warjri (32 snem) wa u Banshngai Tynshong (28 snem) kiwa waroh ar na chnong Umtangar.
Ya kani ka kaam da takit da ki pulit ka Patharkhmah PS hapoh ka Section 302 ka IPC.
Discussion about this post