15 49.0138 8.38624 1 0 4000 1 https://wyrta.com 300 0

Kem ki pulit ya ki chi kur kiwa na Manipur wa khayi drug ha Shillong

0 Comments
Advertisement ad1

Shillong: Ka SP ka East Khasi Hills da pyntip ko wa ki pulit ka ANTF ka EKH da ye ki wow boodien wei wow kem ya ki chi kur wa tip kam ka Khongsai kiwa na Manipur.

Ynnin ka sngi ki pulit ka ANTF hadien wa yoh yutip ki kawa tikna wa em ki kattu katni ngut ki bru wa wan na Manipur cha Shillong wei da sah ki haka Prakash Hotel, Laitumkhrah, wei hadien wa lai khynra yaka kamra wa sah ki, naki ar ngut wa tip kam u Thangcha Khongsai waka Kimboi Khongsai da chem naki 12.97 Gram i drug Heroin wei da phla ki leh wa da wan ki cha Shillong deiwa kit lang ya ini i drug.

Advertisement ad1

U Thangcha da yah u leh yaki ANTF cha i yung u T. Lalcha Khongsai ha Madanriting wa em ha Madanriting tangwa ym em chem iyi iyi leh na oo tangwa da phla u wa oo leh man u kam uwi na kiwa khayi drug kani ka kur Khongsai.

Hadien ini da lai kynreh leh ya i yung u Lalhningliana Khongsai wa em ha Nongthymmai wei da chem 227.56 Gram i drug Heroin na i yung wai wa sah u.

Ha khaddooh da kynreh ya i yung u Projangam Khongsai wa em ha Madanriting tangwa na oo won ym em chem iyi iyi leh.

Ka SP da pyntip ko leh ya ini i drug wa da yoh kem da pynpoi na Manipur cha Shillong daka kari Maruti 800 wa em ya u number WB 90 7217 wei manda poi ha Shillong u Thangcha Khongsai waka Kimboi Khongsai da li booh ya ini i drug cha yung u Paojangam Khongsai wei da yabhah ki ya ini i drug hapyrdi kini waroh.

Ki pulit da kem ki ya ka kari, i drug wa ki bru wei dang pynman yaka takit yow chemdien ya kiwi kiwa emkti lang ha kani ka kaam.

Advertisement ad1

0 Comments

Leave a Reply