Kem ki pulit ya kiwa chna suloi pyrchah yaka aiñ

Katkam wa pyntip u SP Sanjay Kumar Sain, ki pulit deiwa ya krehlang wa ki CRPF ka Lower Dibang Valley District, Arunachal Pradesh da kem ki ya arngut ki bru wa chna suloi pyrchah yaka aiñ kamjooh wow dai ki.

Kini ki arngut da tip kam u Kamge Taid wa u Sabal Taid.

Da yoh wow kem ya kini hadien wa yoh yutip ki pulit wa em karkhana chna tiar yasiat ha i khloo wa rben bha wa em kamwa 100 Km na Roing.

Ki pulit da lai ki kam ki bru paidbah kiwa kwah u thied 12 tylli ki suloi (Bore Guns) tangwa u Kamge chwa wow dai u yaki suloi da sñiawthooh u wa kini toh ki pulit wei da poi cha ka yasiat wa oo wa ki pulit.

Ki pulit da yoh ki wow kem ya u Kamge Taid, wei da yoh ki ar tylli ki suloi wa chna u kamjooh ki kattu katni ki kuli.

Related posts

Chah kem kiwa dat wei tooh ya ki Mobile Phone ki bru

January 28, 2026

Chah thombor ka khynnah wa dang 6 snem | Wan pynlait ka manbei, yut u bru wa thmu leh sih

January 18, 2026

Hadien wa pynman ki pulit yaka takit da chem ki yaka thaw chna suloi wei da chem chooh yaki suloi deilang wa ki kuli wei da kem won sa ya u Sabal Taid.

Katkam ka kot wa booh yukheiñ kini ki arngut, da chem wa da dep ki wow chna wei da dep dai 20 tylli ki suloi heiwa da chem 4 tylli na kini ki arngut. Ya kiwa dang sah ki suloi dang boodien ki pulit kiwa da dai cha ki bru wa em ha ki jylla wa chajan.

Waroh da yoh kawi ka Pistol, 3 tylli ki 12 Bore Guns, wa 8 tylli ki tadong kuli deilang wa ki tiar chna.