Ki pulit ka Lucknow da kem ki ya uwi u bru wa chah pynbaad wa pynkylla niam la ar snem deiwa phon ya kiwa man kam ki Scheduled Caste deiwa kular wow yoo ki ya ki kaam bah (Miracles), u yoh poisa ki wa kiwi de.
Ini da mih pyrthai i hadien wa yoh ya ka ujor wa da booh da uwi u dkhot ka Bajrang Dal, u Dharmendra Sharma uwa da pynbaad ya u Malkhan (43 snem) wa lai u cha ki bru wa suk u chim kabu u pynkylla niam. Hadien wa yoh ya ka FIR, neiliang ki pulit da lai kem ki oo wei da pynman leh ya ka takit.
Katkam wa khana ki pulit, u Malkhan da chna u ya kawi ka yung Hall ha i thaw rep u wei da pynman u ya ki yalang “Healing Prayers” man ka sngi Thursday wa Sunday wei da chah pynbaad u wa ha kini ki yalang da pynkylla niam u ya ki kynthai wa ki khynnah wa man kam ki SC.
Ki pulit da ong ki wa uni u bru da pynkylla u wot yei pyrtuid ki khon u hadien wa man Christan u, wei da em leh boon ki ujor wa em i pynkylla niam ha kani ka thaw, kamtæ da lai kem ki ya uni u bru wei da khang khyrdep ki ya kani ka Hall.
Ki pulit da chem ki leh ar at tylli ki Bible wa kiwi ki kot lakdop yong niam na u Malkhan wei dang yaleh kattæ wow chem ya kiwi de kiwa emkti wei kiwa kyrchaan poisa ya uni u bru.
Ya ka Case da Register hapoh ka aiñ Uttar Pradesh Prohibition of Unlawful Religious Conversion Act, 2021.
Discussion about this post