Kawi ka khynnah kawa dang 7 snem i rta da chah leh khlem akor ko ha u pa nah ko ha iwi i chnong wa em ha West Jaiñtia Hills District iwa da jia haka 11 tarik uni u bnai.
Neiliang kiwa ha-yung ha-sem kani ka khynnah da lai e FIR ki haka 14 tarik uni u bnai heiwa ki pulit da chimkti ki ya uni u bru ynne ka sngi.
Katkam wa khana kiwa ha-yung, ini da jia i ha yung wa sah ki heipor wa em du uni u pa nah wa kani ka khon nah heiwa da kset u yei ktien ko yow lait ko u kiat wei da kyrtem u ka dei thmu wow slaitbor tangwa ym em yoh ko wow pyndep yei kaam wei hadien ini da maham pynyap u ka lada khana ko ya kiwon kiwon.
Hadien wa nood kani ka khynnah wow khana yaka bei ko, da lai yah ka cha ki Doctor kiwa da pyntikna wa em hi iwa jia ya kani ka khynnah tangwa ymtoh deiwa yoh uni u bru u psiah chapoh yong ka.
Kamtæ da booh FIR ha ki pulit heiwa neiliang ka yung da lai e ki ya uni u bru ha i kti yong ki pulit wei ka takit dang lai ko chakhmat.
Discussion about this post