Ha ka 18 tarik uni u bnai, da pyntip cha ki pulit ka Umpleng OP wa em ha East Jaiñtia Hills wa em uwi u bru wa chah pynyap deiwa chah dung ha thaaiñ Thangksoo, Elaka Sutnga uwa tip ki kam u Bahduh heipor kamwa 3:00 waje i sngi wei yeini i kaam da leh da u bru wa tip kam u Abraham Sten (60 snem) hadien wa mih i kajia hapyrdi kini ki ar ngut heipor wa chong dih kiad ki hapoh kawi ka trep.
Kamtæ ki pulit da lai ki cha kani ka thaw wei da kem ki ya u Abhraham Sten uwa na chnong Pamrakmai.
Ki pulit da pynman ki yei takit heiwa da pynlang pynlum ki ya ki sabut na ini i thaw wa jia wei yei metyap da kit cha Khliehriat Civil Hospital yow leh ya ka Post-Mortem.
Ha ka 19 tarik napoh kani ka trep wa jia ini da chem ya kawi ka Notebook heiwa da em iwi i Phone Number wei manda Phone ki pulit poi i cha uwa emyatoh uwa yap wei da ye wow pyntikna wei tip yei pyrtuid u deiwa phah yei dur uwa yap cha ki.
Hadien ini da wan kiwa ha-yung uwa chah pynyap hei janmiet ka 19 tarik heiwa da pyntikna wa i pyrtuid u toh u Bailius Diengngan (47 snem) uwa na Mawkyllon, Riangdo, West Khasi Hills.
Kamtæ neiliang ka yung ka sem da booh ki ya ka FIR ha Khliehriat PS wei da rah ya u Abraham hakhmat ka yung bichaar kawa da phah wow kset oo ar sngi ha kti ki pulit yow takit.
Hadien wa pyndep ya ka Post-Mortem ha ka 20 tarik, da e kti yei metyap cha kiwa ha-yung ha-sem uwa da khlaad noh.
Discussion about this post