Shillong : Ha ka miet yong ka 13 tarik da chem ya i metyap yong kawi ka bru wa chah noh harood u Sarok NH-44 ha Mawiongrim, Ryndangbriew. Ya ini i metyap da kit cha NEIGRIHMS yow leh postmortem wei da chem wa kani ka bru da yap ko neidaw wa chah ksih ko na radang.
Ynne ka sngi won ki pulit ka Umroi da kem ki ya u wi u bru wa tip kam u Donbor Rymbai (41 snem) uwa man leh kam u Waheh Chnong ka Liarkhla, Ri-Bhoi District wa suba wa oo emkti u wow tynyap ya ka Rose Mary Mawlong kawa 32 snem i rta. Ka Rose toh kawa em khon 3 ngut wei u kurim ko toh uwa da khlaad la le snem wei im sah ko ha chnong Sumer.
Ka Rose wa u Dondor toh kiwa ya maya kam chi chan la ar snem tangwa u Dondor toh uwa dang em kurim. Ka bei ka Rose da pyrchang ko wow pynyalait noh ya kini ki ar ngut tangwa u Donbor da pyrchah u yeini.
Ha kani ka sngi Bibar wa dep ka Rose da lai ko cha Shillong hei sngi wei u Dondor da wan u boon sien cha yung ka Rose wow thooh ka.
Hadien wa ym em wan yung ka Rose ha ka tai ka miet, kiwa ha yung kani ka manbei da li ujor ki cha ki pulit ka Umiam Police Station wei ki pulit da pyntip ki wa da chem ki ya iwi i metyap ka kynthai ha Ryndang Briew wei da lai kiwa ha yung ka Rose cha NEIGRIHMS heiwa da pyntikna wa toh sakhiat ka Rose.
Discussion about this post