Hadien wa em i jia wa chyrkhei ha iwi i yung ha Nongstoin heiwa kawi ka bru wa ka wakreh yong ka da chah tynyap ki ha i miet ka 23 tarik heiwa kiwa yap toh kawa 79 snem wa kawa 25 snem, wei da suba uwa emkti wow tynyap toh uwa tipmit hi ki neidaw wa da em wa sakhi wa em u bru wa psiah cha ini i yung heipor kamwa 11:00 waje i miet deiwa wai dwar ya oo.
Hei step heipor wa wan u khon ka tre yung da chem toh i yung man i iwa khang wei neidaw wym em wa wai dwar da hap wow tympra ya ka dwar heiwa da chem u ya ki metyap.
Neiliang ki pulit hei takit yong ki du hapoh chi sngi da yoh ki wow kem ya uwi u bru wa suba wa emkti wow tynyap ya kini ki arngut.
Neiliang u SP ym pu em khana u yei pyrtuid uwa chah kem neidaw wa ka takit dang lai ko chakhmat tangwa da suba joor wa uni u bru toh uwa emkti ha ini i kaam.
