Shillong: Ynnin ka sngi ka 3 tarik ki kattu katni ngut ki khynnah khynroo na Laban wa kiwi ki thaw da lai lehke Basketball ki ha Block IV ka Lawsohtun, heipor kamwa 12:30 da wanpoi kamwa 20-25 ki chynrang wym tipmit ha kani ka thaw lehke Basketball wei da dat da bom ki ya kini ki khynnah da ki naar rod wa ki dieñ.
Ha ini i jia da mynsoo 6 ngut ki khynnah wa kynthup ya u Arindam Deb, Subharshi Das Purkayastha, Saptarshi Das Purkayastha, Binak Deb, Bishal Ghosh, wa u Prittish Deb.
Ki pulit mar tip yeini da lai ki wut-wut cha kani ka thaw wei manda poi ki ha Sericulture Office, da chem ki ya u Bishal Ghosh wa u Saptarshi Das Purkayastha kiwa da yoh u yut na kani ka Basketball Court.
Neiliang ki pulit da pynkit ki ya kini ki ar ngut wa kiwi ki soo ngut cha Woodland Hospital wow chah sumaar ki.
Heiyatoh wa ini da booh ya ka mukotduma Case No. 71(07)20 ha Laban Police Station hapoh ki kyndon Section 326/307/506/34 IPC.
Heiyatoh wa ini, ki pulit da rah ki ya ki 3 ngut kiwa suba emkti ynnin wow takit ya ki wei kamjooh leh ynne da rah ya ki 8 ngut wow takit ya ki.
Neiliang ki pulit da kyntu ki ya waroh kiwa sakhi yeini wow wan ki chaphrang wow yarap ya ki pulit wei ya i pyrtuid yong kini kiwa wan chaprang daw murieh ya ki.
Chooh chooh ka chnat da maham ko leh ya ki bru kiwa pynchoi ya kiwi wow wanrah yei sñiaw yaphær jaitbru deiwa pynchitom ya ki katkam ki kyndon ka aiñ.
Kani man ko katkam ka yutip na u G.K. Iangrai, Asstt. Inspector General of Police (A) Meghalaya, Shillong.
