Kha khon kawi haphrang Hospital hadien wa dawa kiwa kreh Rs.10,000

Kawi ka bru wa pyrtuid kam ka Pratibha da kha khon ko haphrang ka District Women’s Hospital ha Raebareli, Uttar Pradesh, hadien wa dawa poisa kiwa kreh Rs. 10,000 wow pynsmat u yarap ya ka.

Ini da jia i ha i miet ka 4 tarik uni u bnai wei ka Pratibha kawa na Salon, Raebareli da poi ko ha Hospital nei sooh khon.

Kiwa ha-yung ka Pratibha da pynbaad ki wa da dawa poisa kiwa kreh Rs. 10,000 wow yarap ya ka wow kha yei khon wei da phah yang bait ya ka ha lait. 

Neiliang ka Chief Medical Superintendent (CMS), ka Dr. Nirmala Sahu da kyntait ko yeini deiwa ong wa kani ka bru da mih ko cha lait khlem pyntip ya ki Nurse wei da khai sooh ko hadooh wa hap kha yei khon ha lait.

Related posts

Thung ka sorkar ya ka Ripnar Lyngdoh kam ka Chief Information Commissioner

October 28, 2026

Pdiang ka sorkar yei pynkylla ya ka kyndon ka aiñ Minor Mineral wow pynsuk ya ki paidbah

October 28, 2026

Katkam wa man katni ka Pratibha da em ko ha Hospital katwa i khon won ha ICU.

Neiliang ki paidbah da dawa ki wow pynchitom ya kiwa kreh ha Hospital wa dawa poisa na ka Pratibha.