Pynlait ka Moosalyngkat ya ki Ticket Lucky Draw 2026

Ka Moosalyngkat Dorbar Chnong, Jowai da pynlait paidbah ko ya ki Ticket ka Lucky Draw 2026 ha ka yalang wa da pynman ynnin ka sngi heiwa u Damutshwa M Thabah, Secretary NPP yong ka 1-Nartiang LA Constituency da man u kam u kongsan hei emlang u Special Guest, u D. Dhar uwa man leh u President ka NPYF ka Nartiang Constituency.

Ka thong yong ka Lucky Draw toh neibynta wow chna ya ka Yung Dorbar namo ka Community Hall.

Ha kani ka yalang da yoh i klam pdiang na u waheh chnong ka Moosalyngkat, u Daniel Dan, i klam tbian hajrong i sdang yong ka chnong Moosalyngkat kamjooh i khana chaphang ki kaam hei wow chna pyndep ya ka Yung Dorbar na u Chairman ka chnong, u A. N Gatphoh.

Chwa wow pynlait paidbah ya ki Ticket da yoh leh i kyntien e mynsien na u D. Dhar uwa da pynkynmoo ya ki le tylli ki yung, ka yung ka yong nga ‘Ka Yung Sah’, ka yung i mynsien ‘Ka Yung Niam’ wa ka yung yonglang ka ‘Yungwalieh’ (Community Hall). Da pynkut u yei klam dei sñiawkmen heiwa da yoh wow embyntalang neibynta ka imlang ka sahlang kam ha kini ka kaam chnong.

U Damutshwa Thabah hawa e i klam kam u kongsan da ong u wa ka Moosalyngkat man ko ka chnong hapoh sor, wei sñiawkmen u wow pyntip wa da jooh chong sah u ha Moosalyngkat kamwa kattu katni snem wei sñiawkmen u wow yoo ya ki katu katni ki lok na ka chnong Sohphoh ha kani ka chnong.

Da pynrap u wa i chimbynta ha ki kaam chnong kam ha ki kaam pynmih poisa, ka kaam baam doh pynyajan ko ya ki para chnong wow sñiawtre sñiaw kitkhlieh ya ka chong ka thaw. Da booh u leh i kyrpaad ya kiwa chong chnong wa toh u em i kitkhlieh wow kyrchaan ya kani ka thong hei wow noh kyllooid katkam i bor yong i neibynta kani ka Community Hall. Da kitbok u leh ya ka chnong wa iwon iwon i wow leh ko yow man iwa jop.

Ya ki kyntien khublei da yoh na u General Secretary ka chnong, u W. Sohlang katwa ya ka yalang tbian da pynlai da u Chairman Fete Committee, u R. Tariang.

Related posts

Yoh 2nd Runner Up ka Mebanriyaka Nongkhlaw ha ka Miss Hornbill International 2026

October 6, 2026

Da ka Lucky Draw pynman ka WJSU yow pynmih poisa neibynta ka 3rd War Jaiñtia Scholarship

October 5, 2026

Ya kani ka Lucky Draw u pynkhle ha ka Fete ka chnong ka wow man ha ka 8 wa 9 tarik u December 2026 ha madan Marian Hill heiwa ki Prize man ki kamni ha wah:

1st Prize – Rs. 1,00,000

2nd Prize – Rs. 50,000

3rd Prize – Rs. 30,000

Chirup wa 10 tylli ki Consolation Prize kiwa mar Rs. 1,000 hajar kawi.

I dor kawi ka Ticket man ko du Rs. 30 chi sla hei dor Rs. 300 chi Book.