Jowai : Ka chnong Chyrmang man ko kawi na ki chnong warim ha ri-loom Jaiñtia wei em ko pyn hajan ka chnong Jowai tangwa hadooh katni ympu yoh ko u surok psiang u yong ka hi.
Ha kani ka chnong em artylli ki dong kitæ ka Chyrmang Wah wa ka Chyrmang Neiñ heiwa em kamwa 1500 ngut ki nongchongchong ha kani ka chnong.
Ha kani ka kynti u Wyrta da lai yachem u wow EE, DPIU u ma KK Mawa da pyntip u wa hadien wada dep ka First Phase u chna pynmiat ya u surok Syntuksiar – Chyrmang uwa jrong kamwa 1.5 km na ka PMGSY da pyntip wa da sdang leh ya ka Second Phase uni u surok.
Ha ka Phase Two daw siang psiang hadooh kamwa 4 km hei lut kamwa T. 1,69,38,000. Yei chna ya uni u surok da sdang nadooh u Thohlakhmi (February) 2016 wei da mang wow pyndep ha u Kmaichonglad (December) uni u snem weiwa yei kreh da pynkreh da u ma Roskil Pale.
Uni u surok daw yarap bha u ya kiwa lai wa wan khamtam kiwa khih mylla cha chnong Jowai wa ki khynnah skur kiwa lai puræ cha ki skur wapher wapher ha Jowai.
Discussion about this post