Shillong : Ha ka election yong ka KSU wa dang dep pynman da jied thymme ya kiwa krehkaam kamjooh kiwa yahkhmat yong kani ka seiñ.
Ya ki le tylli ki kyrdan wa kynthup ya u President, Vice President wa u General Secretary da jop u Lambokstarwell Marngar, u Shemphang Lyngdoh Mawphlang wa u Donald V. Thabah. Kini ki le ngut da jop ki khlem em wa yeiñ pyrchah ya ki.
U Lambokstarwell u President thymme jooh man u kam u Finance Secretary ka KSU nadooh u snem 2012 wei da pyndep u ya ka kyrdan puræ MA (Philosophy) na North Eastern Hill University (Nehu) ha u snem 2008.
U Shemphang u Vice-President wa thymme jooh man u kam u Publicity Secretary wei da pyndep pureæ LLB u na Shillong Law College wei da man u leh u muktiar ha ki yung bichaar ha Shillong.
U Donald won u General Secretary wa thymme jooh ksoh u kam u Education Secretary nadooh u snem 2012 wei katni dang pyndep u ya ka PhD na ka tnat puræ Cultural and Creative Studies ka Nehu wei da dep u leh ya ka MA (Cultural and Creative Studies) na NEHU ha u snem 2012.
Kiwi de kiwa chah jied ha kani ka election toh u Readyonstone Nongrum kam u Education Secretary -1,414 vote, u Sonstar Nongkhlaw kam u Assistant General Secretary -2,085 vote, u Biangbor Paliar kam u Organising Secretary- 2,557 vote, u Rapbor Nongrum kam u Publicity Secretary-1,887 vote wa u Spaindorsing Lyngkhoi kam u Office Secretary-1,050 vote.
Waroh da em 3,199 kiwa thap vote wa kynthup ya ki unit wa em cha Mizoram, Silchar wa na Haflong, Assam.
Discussion about this post