Khang ka All Manipur Students’ Union yaka Dhanamanjuri University

Jowai: Ka All Manipur Students’ Union (AMSU) da pynbna ko wa u khang noh ko ya i krehkaam ka Dhanamanjuri University, ka skurbah wa pynlai daka jylla Manipur nadooh ynne ka sngi hadooh wa ye u pynbiang ya kiwa emkaam kani ka University.

Palat chi snem kani ka University da krehkaam ko khlem em u Vice-Chancellor, Registrar, kiwa sikai, kiwa kreh wa kiwi kiwi kiwa da thung kreh pura kamjooh leh ym em ko ya u Dean.

U President ka AMSU, u Peter Laishram da ong u wa neidaw wym biang kiwa emkaam dooh wow krehkaam kani ka University nadooh u Vice-chancellor, Registrar, Dean wa kiwi kiwi da pynman ya kani ka thaw puræ kawa khlemkaam, wei kiwa pait ya ini toh u kitkhlieh ki hadooh wa hap wow khang ya kani ka skurbah.

Da ong u leh wa ki paidbah da yooluti ki chiboon na kani ka University nadooh wa sdang yaka tangwa krehkaam ko du hei pyrtuid donhi.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Da kdaw u leh wa neidaw wa kani ka University ym em man ko ka dkhot ka Association of Indian University, waroh ki Certificate wa e ko man ki kiwa ym em wa tipmit.

I krehkaam kani ka University da tkoh chwa i nadooh i yakhih kiwa sikai kiwa da dam kreh. Wei ha kini ki sngi wa da dep kiwa puræ Post-Graduate (PG) ka Arts Stream ha Dhanamanjuri University, Imphal da maham ki wow pynman yaka yakhi wa joor lada ym pynman Class biang nadooh ka 25 tarik uni u bnai.

Kiwa puræ Arts ym em de man Class ki nadooh ka 15 tarik uni u bnai neidaw wa dam kreh kiwa sikai kiwa da thung kreh wow sikai yaki PG Course.

Kiwa sikai PG man ki leh ki jooh hi kiwa sikai ha kiwi ki College haka kyrdan Graduation.

U K. Indramani, General Secretary ka DM College of Arts Teachers’ Forum, da pyntip u wa kiwa sikai katni haka kyrdan Post Graduate ha kani ka DM University ym pu em thung ya ki kam kiwa sikai wa pura.

Chooh chooh kiwa sikai nalor wow sikai ki wei kamjooh u chna Syllabus wow pynman Exam ki da pyndooh leh yei myntoi wa toh u yoh ki da ong u Indramani.

Kaktkam wa ong u Indramani, kiwa sikai ym yohsa de ki wow dam u sikai ya kiwa puræ PG neidaw wa da ktah ko leh ya kiwa puræ Graduation.

Kiwa sikai u pteiñ ki wow yakhih hadooh waka sorkar u tipmit ko yaki kam kiwa sikai, da ong chooh chooh u.

Ka DM University kamwa man katni da krehkaam ko na Dhanamanjuri College kawa em ha Imphal. Kani ka University da seiñ yaka hapoh ka Dhanamanjuri University Act, 2017 kawa da krehkaam haka 06-04-2018, lyngba ka Notification ha Manipur Gazette wa pynmih daka Department of Higher and Technical Education Manipur.