Ki dkhot ka FKJGP Malki Circle ynne ka sngi da mih syndet ki khrui yow lai hiar cha Keating Road yow kynreh ya ki kot ki sla yong ki dukan ki baar jylla ha katai ka thaaiñ wei da khang leh ya kiwa boon ki dukan ki wym biang ya ki kot ki sla kam ka Labour License wa kiwi.
Kiwa boon na kini ki dukan toh kiwa dai tiar kari wei kiwa chna kari wei neiliang kiwa yahkhmat ka FKJGP da phah ki ya kini ki dukan wa kiwa kreh wow pynbiang ya ki kot ki sla lym kamtæ ym chah wow leh ki ya ki kaam khayi ha kani ka jylla.
Hadien kattu katni por wa ki dkhot ka FKJGP Malki Circle da pait da sylli ki ya ki kot ki sla yong ki dukan baar jylla ha ka thaiñ Keating Road, ki pulit da wan poi ki ha katai ka thaw wei da phah ya ki dkhot ka seiñ wow sangeh yei khang yabor ya ki dukan.
I poi ki pulit ha katai ka thaw toh hadien wa yoh yei ujor wa chah kynreh wei chah khang dukan kiwa boon tylli ki dukan. Neiliang ki bor pulit da pyrchang ki wow pynsangeh ya itai i kynreh deiwa ong wa ym em yoh bor ki wei khlem da pyntip wot ya ki bor chnong, tangwa neiliang kiwa yahkhmat ka FKJGP leh da pynyoo ki yei yoh bor na ka SMB wei da lai bait chakhmat wow kynreh ya ki dukan kiwa dang sah.
Ha ini i leh syndet ka FKJGP da chem wa boon ngut ki baar jylla kiwa kreh ha katai ka thaw ym biang ki ya ki kot ki sla næ ka Labour License iwa da pynman ya ki dkhot ka FKJGP wow khang noh leh ya boon tylli ki dukan.
Kiwa yahkhmat ka FKJGP da khana ki leh wa ha ini i kynreh da chem wa em boon kiwa khayi kiwa booh dukan ha katai ka thaw ki wym em de wan yow pynthymme de ya ki kot ki sla næ ki License khayi nadooh u snem 2010.
Discussion about this post