Jowai: Ka National People’s Party (NPP) da maham ko ya ki dkhot ka Party wow chimbynta ki ha kiwon kiwon ki Rally hapoh i lama ka seiñ wow pynyoo yei kyrchaan kamjooh yei pyrchah yaka Citizenship (Amendment) Act, 2019 khlem da yoh bor na u National President uwa man leh u montri rangbah ka jylla u Conrad K. Sangma.
Ya ini da leh hadien wa da yoh yutip ka National Executive Committee ka Party wa em ki dkhot kiwa da klam paidbah chaphang i ktah ka CAA yaka kaam seiñ hima sima kamjooh yaka imlang sahlang hapoh ka thaaiñ mihsngi.
Ya kani ka pynbna wa da pynmih da u Thomas A Sangma, MLA uwa man leh u National General Secretary ka Party kawa da ong waka Party da klam che ko heiwon yieñ ko heiyatoh waka CAA, kamtæ da khang yaki dkhot wow klam ki chaphang kani ka kaam khlem da yoh bor, wei ym em hok kiwon kiwon ki dkhot wow yaleh mukotduma ha kawon kawon ka yung bichaar wa kynthup yaka Supreme Court hajrong ka CAA.
Discussion about this post