I pynkhreh ya ka lehkmen Christmas wei wow pdiang ya u snem thymme da man i iwa lai chaphrang, neiliang ka sorkar jylla da rai ko wa ha uni u snem u booh kyndon chwa ko yeini neidaw wa em ka khlam u COVID-19.
Hawa yaklam wa u Symbood Montri Rangbah ka jylla, u Prestone Tynsong da pyntip wa ka sorkar da rai ko wa ym chah ya iwon iwon i pynman lai ‘Christmas Carol’ ha ki sarok næ ki chnong ki thaw.
Da ong u leh wa ki Balang kiwa em ki pchem kiwa heh ye ki wow pyndep ya ki lehniam.
Heiyatoh won wa ki baam-doh yong chnong wa ki baam sñiawbha yong Christmas ym chah ya ki ha uni u snem, katwa ya kiwa kwah u lai baam-doh sñiawbha snem thymme ym khang ya ki.
