Shillong: Ka sorkar Meghalaya Democratic Alliance (MDA) da mynjur ko wow pynkylla noh ya ka Meghalaya Charcoal (Controll of Production Storage Trade and Transit) Amendment Rules, 2019. Ya ini da pyntip da u symbood montri rangbah, u Prestone Tynsong hadien wa wai ka Cabinet Meeting.
U Tynsong da pyntip u wa da ini i pynkylla ya kini ki Rules, kattu da khang syndon ya ki karkhana Ferro Alloy wow thied rngaw na ka jylla, wei hap ki wow thied na baar yong ka jylla wei lada chem wa ki thied ki ya u rngaw wa pynmih hapoh ka jylla daw pynchitom deiwa khang syndon yaka karkhana.
Da ong u wa ini i pynkylla ya katai ka aiñ ym ktah ko ya i pynemkaam won hapoh ka jylla neibynta wow thang wow chet ha ki yung ki sem, ka sorkar ym em khang ko ya ki paidbah wei ye ki u pynemkaam wei i khang toh du ya ki karkhana kiwa em ha ka jylla Meghalaya.
Discussion about this post