Ki waheh chnong chirup wa ki VDP chnong kiwa haap hapoh ka chnong Ksehrynshang, Moobakhon, Nongmulieh Sehlama, Namdong A, Namdong B, Mukhnang, Umjalisiaw, Madanrtiang Lumrot, Pdeiniadaw, Sanaro, Thadmukoh, Khonsaro, Kremmyrsiang, Thadmynri, Ladmyngngor, Myngngor, Ringkyrtein, Pdeiniawmusiang, Tamu da khang pyrchah ki wow dai kiad hapoh kari, ha yung næ ha dukan.
Da iwi i rai da chim wow pynsangeh chisiendon yei dai kiad hapoh kini ki chnong neibhah wa da joor ware i chah ktah nadooh ki khynnah, ki khynroo hadooh ki manbei leh kamjooh da sdang ki u ngop ha kani ka jait dih neidaw wa da pynsuk ware kiwa dai deiwa lai buh ha yung (Home Delivery).
Na kini ki daw da pynman yei yachemlang kini ki chnong wa da kdaw haneiñ ha ka 13 tarik uni u bnai heiwa da chim yei rai wow khang pyrchah ya waroh kiwa dai kiad wei wow sangeh noh ki chisiendon heiwa da phah leh dei thoh cha ki bor yong ka aiñ ha Saitsama Police Outpost wa cha Nartiang Police Station yow tip ki hajrong ini wei kamjooh leh da e lang da ki kot yow pyntip cha kini ki bru wa leh ya kini ki aiñ pyrchah aiñ.
I pyntip na ki waheh chnong deilang wa ki VDP yong kini ki dorbar chnong.
Discussion about this post